ഉണ്ണിക്കണ്ണാ, മുല കുടിക്കുന്നതിനിടെ
നീ ഇടയ്ക്കു എന്നെ നോക്കി പുഞ്ചിരിക്കുന്നു.
നിന്റെ പാല്ച്ചിരി
എന്റെ ആത്മാവിന്റെ ദാഹം കെടുത്തുന്നു.
നിന്നോടുള്ള വാത്സല്യത്തില്
ഗോകുലത്തിലെ മുലകള് ഒന്നൊഴിയാതെ
മഴക്കാലത്തെ പുഴകള് പോലെ
വഴിഞ്ഞൊഴുകുന്നു.
എങ്കിലും എനിക്ക് അസൂയ
നിനക്ക് അമ്മിഞ്ഞ നല്കി
മോക്ഷം നേടിയ ആ പൂതനയോടാണ്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ