അക്കരയിക്കര

നീന്തി നീന്തി നടുക്കെത്തുമ്പോള്‍

പെട്ടെന്ന് 

കുളത്തിന്റെ അഗാധതയെക്കുറിച്ച് ബോധമുണ്ടാകും.

കണ്ണുകള്‍ ഉരുട്ടി മിഴിച്ച് തല്ലിപ്പിടച്ചും

എത്ര തുഴഞ്ഞിട്ടും എത്തുന്നില്ലല്ലോ

എന്ന് ദേഹം തളര്‍ന്നും

തിരിച്ചു നീന്തും.

ഒരിക്കലും എത്തിച്ചേരാത്തതിനാലാണോ

അക്കരക്കിത്ര പച്ച?

ഈശ്വരാ! 

ഇക്കരപ്പച്ച കാണാന്‍ മാത്രമാണെങ്കിലും  

ഒരിക്കലെങ്കിലും

അക്കരയിക്കരയാവണേ!